Վերելք Խուստուփ լեռ․ Դավիթբեկյան ուխտագնացություն

Վերելք Խուստուփ լեռ․ Դավիթբեկյան ուխտագնացություն

with No Comments

Դավիթբեկյան Ուխտերի հիմնադրման 100-ամյակին նվիրված միջոցառումների շարքում «Թոնդրակ» արշավական ակումբը կազմակերպում է Դավիթբեկյան ուխտագնացություն դեպի Խոստուփ լեռ․

Դավիթբեկյան Ուխտերը հիմնադրվել է Գարեգին Նժդեհի կողմից՝
1920 թվականի օգոստոսի 25-ին։
Ուխտերի նշանաբանն էր՝ «Հանուն հայրենիքի՝ Դավիթբեկաբար»։
Դավիթբեկյան Ուխտերի օրինակով Նժդեհը հետագայում հիմնադրեց Ցեղակրոն Ուխտերը։

Նժդեհն առաջինն էր, որ լսեց Խուստուփի ոգեղեն կանչը․
«Ես ամուր եմ բռնել Խուստուփի փեշից, դուք էլ իմ փեշից ամուր բռնեք»։ Գ․ Նժդեհ
Նժդեհի շնորհիվ լեռը դարձավ հայրենասիրության խորհրդանիշ, մի ամբողջ լեռնաշխարհի՝ Սյունիքի ազատության համար մղված մարտերի մասնակիցն ու վկան։

Սույն թվականի օգոստոսի 25-ին Երևանում կնշվի Դավիթբեկյան ուխտերի հիմնադրման 100-ամյակը։
Օրվան ընդառաջ՝ օգոստոսի 22-ից 23-ը՝ շաբաթ-կիրակի օրերին, կկատարենք Դավիթբեկյան ուխտագնացություն․
1920թ․ օգոստոսին Նժդեհը 3 օր մեն-մենակ եղել է Խուստուփի գագաթում․
Այնուհետև օգոստոսի 25-ին Նժդեհը Ղափանի Կավատ գյուղի եկեղեցում օծվում է Ղափանի, Գենվազի, Գողթանի և Բաղաբերդի ռազմական ուժերի դիկտատոր-հրամանատար․

Ինքնապաշտպանության մարտիկները երդվում են Դավիթ Բեկի և Մխիթար սպարապետի անունով, Հավատարիմ մնալ հայրենի երկրի ազատությանը, հրամանատար Նժդեհին և կռվել մինչև վերջ՝ Դավիթբեկաբար։

Խուստուփ լեռը գտնվում է Կապան քաղաքից 10 կմ հարավ-արևմուտք, Խուստուփ-Կատարի լեռներում։ Բարձրությունը 3201 մետր է։

Առաջին օր․
Երևանից կշարժվենք դեպի Սյունիքի մարզ՝ Կապան քաղաք(հեռավորությունը Երևանից 300 կմ), կայցելենք Գ․ Նժդեհի հուշահամալիր, որտեղ թաղված են Նժդեհի մասունքներից։ Այնուհետև կմեկնենք Կավարտ գյուղ՝ Դավիթբեկյան ուխտերի հիմնադրման վայր՝ կանցկացնենք միջոցառում, որից հետո կգնանք Բաղաբուրջ, որտեղից անտառային ճանապարհով բեռնատարը մեզ կհասցնի լեռնային բնակավայր։
Կկազմակերպենք մեր վրանային ճամբարը․
Երեկոյան խարույկի շուրջ կերգենք, կթեյենք և խաղեր կխաղանք։

Երկրորդ օր․
Առավոտ կանուխ միասին կդիմավորենք արևածագը, կնախաճաշենք ու կսկսենք վերելքը։

Ճանապարհին կայցելենք Գ․ Նժդեհի շիրիմին։
Այնուհետև կշարունակենք մեր վերելքը դեպի գագաթ։

Գագաթը հաղթահարելուց հետո կիջնենք Բաղաբուրջ և կվերադառնանք Երևան։

Հավաքվում ենք Սասունցի Դավիթ կայարանում (Դավթի արձանի մոտ) առավոտյան ժամը 07։00֊ին (նշված ժամից 10 րոպե ավելի վաղ):

Արշավի մասնակիցները պարտադիր պետք է ունենան․

Ուսապարկ,
Հարմարավետ կոշիկիներ,
Լեռնագնացության կամ սպորտային հարմարավետ հագուստ,
Տաք հագուստ(հանդերձանք),
1 օրյա սնունդ
1,5 լ ջուր,
Գլխարկ,
Ձեռնոցներ,
Արևային ակնոց,
Անձրևանոց.

Քայլելու ենք մոտ 15 կմ։

Չենք ուշանում, չենք մոռանում լուսանկարչական սարքերը և ամենակարևորը՝ բարձր տրամադրությունը: 😃

Բացառիկ արշավ է լինելու🏇

Մասնակցության արժեքը՝ 19 000 դրամ։

Արժեքի մեջ ներառված է՝

✅Տրանսպորտը
✅Ուղեկցորդի ծառայությունը
✅Բեռնատարը
✅Այլ ծախսեր

Մասնակցությունը հաստատելու համար պարտադիր է զանգահարել հետևյալ հեռախոսահամարներից մեկին՝
041 196414 Ucom
077 196414 Viva
091 196414 Beeline
կամ գրել «Թոնդրակ»-ի ֆեյսբուքյան էջին:
WWW.TONDRAK.am

Կարող եք գրանցվել կամ հրաժարվել մինչև օգոստոսի 20-ը՝ ժամը 20։00։
Նշված ժամկետից հետո հրաժարվելու դեպքում պարտավոր եք վճարել գումարն ամբողջությամբ։

Կարող եք վճարել նաև տերմինալից՝ մեզ ուղարկելով անդորագիրը։
Բանկային քարտի հաշվեհամար՝
5175960000179716
ABB-ARMBUSINESSBANK

Հարգելի՛ արշավի մասնակից, նախքան արշավին մասնակցելը խնդրում ենք ծանոթացե՛ք անվտանգության և վարվեցողության կանոններին, և պարտադիր լրացրե՛ք համաձայնագիրը։

Ծանոթացե՛ք նաև “Ուխտագնացություն Նժդեհի շիրիմին․ Արշավ դեպի Սպիտակավոր” միջոցառմանը

Ծանոթացե՛ք նաև “Ուխտագնացություն Նժդեհի մոր շիրիմին․ Դիլիջան, Պարզ լիճ” միջոցառմանը

Ծանոթացե՛ք մեր նախկին արշավներին

Գրանցվել արշավին

Հավանեցի՞ք նյութը։