Բազմաթիվ են այն ուրախությունները, որոնք մեզ պատում են արկածային ճանապարհորդությունների ժամանակ․

գեղեցիկ լուսանկարներ, եզակի կերակուրներ, ծանոթություն տարբերվող մարդկանց հետ, տեսարժան վայրեր, նոր գիտելիքներ, բնության հետ կապ, աշխարհաճանաչում, կատարելագործում, զարգացում, իմաստություն, ճշմարտություն․․․․

Զբոսաշրջությունը մեզ տալիս է ավելին, քան պարզապես փաստեր տարբեր վայրերի մասին:

Այն մեզ թույլ է տալիս ընկղմվել ուրիշների մշակույթների և ապրելակերպի, միջավայրի և բնության մեջ և թողնում է երկարատև տպավորություններ, որոնք մեզ օգնում են ողջ կյանքում և զարգացնում մեր հոգիները։

Էկոտուրիզմը արժեքավոր է մարդկանց և մոլորակի համար

Ճանապարհորդությունները նպաստում են գիտության զարգացմանը․ ազգագրություն, պատմություն, բնագիտություն, հնագիտություն, աշխարհագրություն և այլն։

Այս ձեռքբերումները էապես մեծանում են էկոտուրիզմի շնորհիվ:

Որպես էկո-զբոսաշրջիկ, դուք ճանապարհորդում եք ոչ միայն սեփական գոհունակության համար:

Դուք օգնում եք մոլորակին և մարդկանց հնարավորություն եք տալիս ավելի իրական կյանք վարել:

Տեղական համայնքներին կարող են մեծ օգուտ բերել այն զբոսաշրջիկները, ովքեր ներգրավվում են տարածաշրջանների զարգացման գործընթացի մեջ: 

Նոր ծրագրեր, գաղափարներ, աշխատանքներ, որոնք կբարելավեն տեղի բնակչության սոցիալ-տնտեսական վիճակը և կբարձրացնեն կրթության մակարդակը։

Սոցիալապես կայուն և կրթված բնակիչները չեն սպառում կամ աղտոտում բնությունը, ընդհակառակը՝ ավելի են արժևորում և պահպանում այն։

Էկոտուրիզմը  նպաստում է պահպանությանը

Ինչքան շատ բան ենք իմանում մի վայրի մասին, այնքան մեր սերն ու հիացմունքը աճում է դրա նկատմամբ՝ ոգեշնչելով մեզ պաշտպանելու այն:

Զբոսաշրջային ուղեկցորդները կրթվում են ավելի խորքային մակարդակով, որպեսզի այցելուներին տրամադրեն բավարար գիտելիքներ տվյալ վայրը ճանաչելու և ըմբռնելու համար։

Զբոսաշրջիկները գալիս են գնահատելու նոր շրջապատի գեղեցկությունը:

Տեսողական գրավչությանը ավելանում է անծանոթ հողերի և շենքերի պատմական և բնապահպանական նշանակության ուսումնասիրության հետ:

Երբ մենք ուսումնասիրում ենք անհայտ վայրերը հետաքրքրասիրության և բարության ոգով, մենք սկսում ենք կարևոր քննարկումներ տեղի բնակիչների և այլ այցելուների հետ:

Այս բոլորի շնորհիվ մենք զարգանում ենք, զարգացնում ենք և պահպանում արժեքավորը, գեղեցիկը, կարևորը։

Էկոտուրիզմի խոչընդոտները

Դժբախտաբար, որոշ զբոսաշրջիկներ դիտվում են որպես կոպիտ այցելուներ, որոնք բնակիչների համար անհարմարություններ են ստեղծում:

Տեղացիները հաճախ վրդովված են աճող երթևեկից, անհիմն պահանջներից և զբոսաշրջիկների ցանկություններից։ 

Առանց խորը ուսումնասիրելու այդ ամենի կարևորությունը նախ և առաջ հենց իրենց և շրջակա միջավայրի համար։

Երբ դուք հանդիպում եք մարդկանց, ովքեր կայուն ճանապարհորդում են, փոխըմբռնումը թույլ է տալիս ներգրավված բոլոր կողմերին սովորել միմյանցից:

Պատմեք նրանց ձեր մշակույթի մասին և աշխատեն շատ գրավիչ ներկայացնել ձեր առօրյան և ավանդույթները։

Էկոզբոսաշրջիկը պարտավոր է հարգել տեղացու մշակույթը, ապրելակերպը և ավանդույթները։

Ցույց տալով անծանոթ զբոսաշրջիկներին, որ դուք պատրաստակամ եք նրանց ներկայացնելու ձեր բնակավայրը,  նրանք ձեզ դիտում են որպես ձեր տան ներկայացուցիչ և որպես դաշնակից:

Սա ստեղծում է միասնության և փոխօգնության միջավայրը։

Այս բոլորը նպաստում է թե՛ տեղի և տեղացու, թե՛ զբոսաշրջիկի և մոլորակի զարգացմանը։

#Կհանդիպենք_Լեռներում